Јувентус не го довел Донарума затоа што не сакале да го плаќаат 10 милиони евра по сезона

И претходно се пишуваше дека Масимилијано Алегри го стопирал трансферот на Донарума во Јувентус ова лето, сега се откриваат и некои детали.

„Газета дело Спорт“ пишува дека Јувентус имал договор со Донарума, но на крајот преговорите се прекинале кога Алегри пристигнал во клубот.

Причината поради која Алегри се откажал од Донарума е што сметал дека 10 милиони евра по сезона се многу за младиот италијански голман.

На крајот Донарума премина од Милан во ПСЖ, а во Јувентус прв голман е Шчесни. Оваа одлука на стартот од сезоната не се покажа како баш најдобра затоа што Шчесни веќе киксираше на два пати, против Удинезе и во последното коло против Наполи.