Јувентус ги обновува преговорите со Дибала

Иднината на Пауло Дибала е главна тема бидејќи Аргентинецот може да го напушти Јувентус како слободен агент на лето.

Дибала реши да ги прекине преговорите за нов договор со Јувентус, откако „Старата дама“ му понудила помала сума од претходно договорената.

„Калчомеркато“ пренесува дека Јувентус нема така лесно да се откаже од својата ѕвезда, па повторно ќе седне на преговарачка маса на крајот на месецот.

Дибала за продолжување на соработката бара 10 милиони евра по сезона, додека последната понуда од „бјанконерите“ беше 8 милиони евра, по што следеше прекин на преговорите.

Сега Јувентус ќе се обиде со нова понуда, во која ќе вклучи и лесно остварливи бонуси за Аргентинецот.

Juventus will meet with Dybala’s entourage later this month. They’ll discuss his contract renewal, with a new plan in mind. Whilst they’ve changed tactics, this does not affect their salary offer to the player. [CM] #juvelive

— Forza Juventus (@ForzaJuveEN) February 7, 2022