Ја гледаме најефикасната сезона во историјата на ЛШ – Знаете ли колку голови се постигнати?

Изгледа дека оваа година ја гледаме една од најдобрите сезони во Лигата на Шампионите.

Иако до крајот можеме да погледнеме уште само три натпревари, изгледа дека уште од сега е срушен рекордот по бројот на постигнати голови во една сезона.

По спектакуларните натпревари во четвртфиналето, повторно не изненадија и во полуфиналето и повеќе не знаеме што ќе биде до крајот. Првите натпревари во полуфиналето беа спектакуларни, особено оној на „Енфилд“. Ливерпул си поигра со Рома и поведе со 5:0, но „Волчицата“ успеа да се подгине и постигна два гола кои и даваат шанса за во оваа луда сезона да помине во големото финале. По тој натпревар, следуваше и натпреварот во Минхен, каде што Реал славеше против Баерн со 2:1.

По тие натпревари, официјално можеме да кажеме дека е срушен рекорд по број на постигнати голови во една сезона во Лигата на Шампионите, а тој сега изнесува 387. Во просек, се постигнува гол на секои 28 минути. Најдобриот стрелец во досегашниот дел е се разбира Роналдо кој постигна дури 15 гола, а зад него е дуото на Ливерпул Фирмино-Салах со по 10 гола.

Со оглед на тоа што до крајот останаа уште три натпревари и дека Баерн и Рома мораат да го бркаат резултатскиот минус, очекуваме да паднат уште неколку гола и овој рекорд дополнително да се подобри. Потсетуваме дека реваншите од полуфиналето се играат следната недела.