Јанис го уништи Хјустон, Дончиќ блиску до трипл-дабл, но пораз за Далас

Екипата на Далас го претрпе четвртиот пораз во последните пет натпревари откако во изминатата вечер беа поразени од Индијана со 93:106.

Се играше изедначено до самиот крај кога домашниот тим направи предност. На гостите не им помогна ниту Дончиќ кој постигна 28 поени и додаде уште по девет скока и асистенции. Словенецот испрати дури 25 шута кон протовничкиот кош (10/17 за два поени, 1/8 за три поени). Покрај Дончиќ солиден настап имаше и Порзингис со 22 поени, Хардвеј постигна 15. Во редовите на Индијаната Лаверт постигна 26 поени, Сабонис 24 и додаде 10 скока.

Предводени од одличниот Јанис Антетокумпо Миловки стави крај на серијата на Хјустон од седум победи (123:114).

Грчкиот кошаркар одигра одличен натпревар со што влезе и во историјата НБА. Натпреварот Антетокумпо го заврши со 41 поен, 17 скока и пет асистенции. Треба да се спомене дека ова е само петти пат во последните 40 години еден кошаркар на Милвоки да има остварување од најмалку 40/15/5. Јанис додаде и две блокади со што стана најдобриот блокер во клупската историја со 805.

Лејкерси рутински дојдоа до победа против Оклахома. Леброн Џејмс го предводеше својот тим со 33 поени, шест асистенции и пет скока, Бредли дополни 22 поени.

НБА РЕЗУЛТАТИ: Шарлот – Сакраменто 124-123, Индијана – Далас 106-93, Атланта – Бруклин 105-113, Торонто – Њујорк 90-87, Хјустон – Милвоки 114-123, Минесота – Кливленд 106-123, Њу Орлеанс – Детроит 109-93, Оклахома Сити – ЛА Лејкерс 95-116, Феникс – Бостон 111-90.