Јанг со рекорд на кариерата го сруши Денвер, Лејкерси едвај против Феникс (ВИДЕО)

Изминатата вечер во НБА лигата беа одиграни осум натпревари.

Кошаркарите на Атланта направија големо изненадување и со победа против Денвер во Колорадо со резултат 125:121 ја прекинаа серијата од три порази.

Наџентси се поразени после четири победи во низа, а дуелот во „Пепси Центарот“ го обележа одличниот Треј Јанг кој постигна 42 поени со шут за три 8/13.  Денвер одлично го започна натпреварот и после три минути водеше со 12:0, но гостите предводени од расположениот Јанг одржуваа рамнотежа и во финишот на првото полувреме дојдоа до 58:47.

Хокси во истиот ритам играа и во третиот период, често пати имаа и двоцифрена предност. Јокиќ и друштвото не успеваа да се приближат се до 40-тата минута кога Гери Херис изедначи на 101:101. Но, тука гостите направија мини серија од 6:0 и повторно благодарение на Јанг се одлепија и таа предност ја чуваа до крајот.

Јокиќ на 25 секунди до крајот намали на 123:119, но веќе немаше време за пресврт.

Јанг со 42 поени постави личен рекорд, а имаше уште 11 асистенции, го следеа Џабари Паркер со 20 и Лен со 17. Кај Денвер Вили Бартон уфрли 21 поен, Јокиќ 20 и запиша уште шест скока, а Пол Милисап 19.

Лос Анџелес Лејкерси во одличен меч беа подобри од Феникс Санс со 115:123. Пресудна во овој натпревар беше серијата од 12:2 во последните три ипол минути кога гостите од Калифорнија од минус два го обезбедија триумфот со кој останаа на врвот на Западот со учинок 8-2.

Ентони Дејвис беше најефикасен со 24 поени и 12 скокови, Кајл Кузма додаде 23, Леброн оствари учинок од 19 поени 7 скокови и 11 асистенции. Кај Санси најефикасни беа Девин Букер и Рики Рубио со по 21 поен. Букер додаде и 9 асистенции, додека Руби една повеќе.

Јута во Солт Лејк Сити го победи Бруклин со 119:114 и стигна до четвртата победа во низа со што остана на втората позиција на Западот со скор 8-3. Нетси на полувреме имаа 15 поени предност (68:53), но Јута успеа да направи пресврт благодарение на добрата игра во последната четвртина која ја добија со 35:22. Се истакна Донован Мичел кој постигна 30 поени, Мајк Конли запиша 18 поени, колку и Руди Гобер кој додаде и 15 скокови. На другата страна Кајри Ирвинг постигна 27 поени и пет асистенции, а Спенсер Динвиди уфрли 21 поен.

НБА резултати:

Индијана – Оклахома 111:85

Филаделфија – Кливленд 98:97

Мајами – Детроит 117:108

Чикаго – Њујорк Никси 120:102

Денвер – Атланта 121:125

Феникс – Лејкерси 115:123

Јута – Бруклин 119:114

Сакраменто – Портланд 107:99