Ѕвездата на Реал со поддршка за Солари: Тој е фантастичен тренер!

Дефанзивецот на Реал Мадрид, Начо изјави дека Сантиаго Солари е одличен тренер за кого би дал се на теренот и сака да остане на клупата на „кралевите“.

Солари е именуван како привремено решение после отказот на Лопетеги, а синоќа дебитираше со победа во Куп натпреварот против Мелија.

„Солари е фантастичен тренер, тоа е се што ние како играчи можеме да кажеме. Но, ние не донесуваме одлуки. Можеме да се надеваме дека тој ќе остане на клупата до крајот на сезоната. Веќе долго време е во клубот и има освојувано титули со Реал“, изјави Начо.

„Исто се однесувавме и под водство на Лопетеги, но немавме среќа, работите не се одвиваа така како што се надевавме. Важно е да се вратиме на победнички пат после Ел Класико“, додаде дефанзивецот.