Ѓоковиќ му ги врати тениските терени на Белград, го затвора клубот

Новак Ѓоковиќ со својот потег ја шокираше српската јавност, откако реши да го затвори тенискиот клуб во Белград.

 Ѓоковиќ во јуни ќе го врати својот тениски центар на градот Белград, а клубот престанува со работа.

Сите во клубот во белградската населба Дорчол биле информирани дека нивниот работен однос завршува на тој датум, а ќе остане само соработката со веќе спонзорирани играчи.

Центарот постои речиси 15 години, таму се одиграни седум АТП и еден ВТА турнири, како и многу помали натпреварувања. Честопати беше главната база за тренинг на Ѓоковиќ, како и за многу други тенисери.

Засега не се знае точната причина за ваквата одлука на Ѓоковиќ, се очекува наскоро некој од неговиот пиар тим или од семејството да даде соопштение за медиумите.