Ѓоковиќ за спектакуларното финале на Ролан Гарос: Се радувам на мечот со Рафа

Публиката во Париз и тениските љубители ширум светот ќе може да уживаат во финалето на Ролан Гарос, каде што ќе се соочат Новак Ѓоковиќ и Рафаел Надал.

Ѓоковиќ имаше тешка задача во текот на вчерашниот ден, кога го совлада Стефанос Циципас во пет сетови, а пред големото финале вели дека се чувствува добро и дека не е изморен.

„Не чувствувам замор, иако играв четири часа. Мислам дека ден ипол ќе биде доволно време да се рехабилитирам и однапред се радувам на одличната борба со Рафа. Загубив најголем број натпревари против него на оваа подлога, но го добив мечот во 2015 година. ќе го погледнам тој дуел, ќе се обидам да извлечам нешто позитивно и да го применам во финалето. Условите се поинакви, а тоа мене ми одговара, додека на Надал не му е баш најдобро“, изјави најдобриот тенисер во светот.