Ѓоковиќ е прв фаворит да ја добие најголемата награда во историјата на тенисот!

Новак Ѓоковиќ повторно би можел да испише историја во тенисот ако триумфира на завршниот турнир, а истовремено е фаворит и да ја добие најголемата парична награда во историјата на тенисот.

Организаторот на финалниот мастерс-турнир во Торино се погрижи да има богати награди за сите учесници. Ѓоковиќ засега е сигурен, а тука се уште Карлос Алкараз, Јаник Синер и Данил Медведев. Се уште има празни четири места и тие ќе се пополнат по одигрувањето на мастерсот во Париз од 30-ти октомври до 5-ти ноември).

Учесниците на завршниот мастерс ќе добијат 325.500 само за самото учество, а шампионот ќе замине со 4.8 милиони долари што е најголемата награда во историјата на тенисот. Минатата година кога Ѓоковиќ го освои овој турнир замина со 4.74 милиони долари.

Победа во групната фаза на учесниците ќе им носи по 390.000 долари, место во полуфиналето 1.1 милион долари, а настапот во финалето обезбедува 2.2 милиони долари.