Ѓоковиќ доби предупредување: Такво нешто да не смее да му се повтори!

Новак Ѓоковиќ денес ќе го игра својот втор натпревар на Ролан Гарос, а противник ќе му биде Мартон Фучович од Унгарија.

Во јавноста се уште се коментира пораката која ја остави Ѓоковиќ кога на камерата напиша Косово е Србија.

Организаторот потврди дека нема да има казна за Ѓоковиќ, но сега доби опомена од министерката за спорт на Франција.

„Во одбрана на човековите права еден спортист е слободен да каже што сака ако се работи за порака која зближува. Но, пораката на Ѓоковиќ беше многу милитантна и многу политичка, такво нешто не смее да му се повтори“, порача француската министерка.

Ќе потсетиме, Ѓоковиќ по победата во претходната рунда напиша: „Косово е срцето на Србија. Стоп за насилството“. Реакција на оваа порака на српскиот тенисер имаше и британски новинар кој запраша што би се случило ако слична порака испратеше Данил Медведев пишувајќи „Крим е срцето на Русија“. (ТУКА).