Ѓоковиќ го прашаа за Израел и Палестина: И јас сум дете на војна…

Српскиот тенисер Новак Ѓоковиќ лесно ја прескокна првата пречка на АТП мастерсот во Париз против Томас Ечвери.

Ѓоковиќ го доби Аргентинецот со 6:3 и 6:2, а по мечот новинарите го прашаа и за актуелната ситуација на Блискиот Исток.

„Како дете на војна многу ме погодува тоа што се случува веќе некое време. Не само во Израел и Палестина, туку ширум во светот.

Ужасно е тоа. Испраќам љубов на сите оние кои патат и се надевам дека наскоро се ќе заврши брзо. Секогаш зборувам за мир и тоа е мојата порака. Испраќам порака на љубов“, изјави Ѓоковиќ.