Шутираа од каде и да стигнат: Хјустон постави рекорд во обидите за три поени во НБА

Кошаркарите на Хјустон имаат 2:0 на почетокот на плеј-оф серијата против Оклахома откако вчера славеа со 111:98.

„Ракетите“ остварија уште една лесна победа, но неверојатно е што во вчерашниот натпревар имаа дури 56 обиди за три поени што е рекорд во НБА. Буквално секој од играчите без размислување шутираше на кошот кога ќе дојдеше до линијата за три поени.

На крајот од тие 56 шута погодија 19 тројки, односно 33.9%. Најмногу постигна Џејмс Харден кој имаше 11 обиди, но погоди само две и натпреварот го заврши со 21 поен. Ерик Гордон се обиде 10 пати и сите 10 ги промаши.

Хаус Џ.Р осум пати погодуваше тројка, шест Грин, Меклемор и Риверс, П.Џ Такер четири, Конвингтон пет.