Што ќе биде со Салах, потпишува ли нов договор?

Ливерпул изгуби во финалето на Лигата на шампионите од Реал Мадрид со 0:1.

„Црвените“ на тој начин ја завршија сезоната со два трофеи во Лига купот и ФА Купот, а на Островот се најавува дека летово може да видиме промени во играчкиот кадар. Садио Мане наводно е блиску до Баерн, потврдено е заминувањето на Ориги, а неизвесна е и иднината на Наби Кеита, Жоел Матип, Жо Гомез и Алекс Чмабрлејн. Она што најмногу ги интересира навивачите на Ливерпул е судбината на Мохамед Салах.

Египќанецот овој месец ќе разговара со челниците на Ливерпул, а доколку не ја добие понудата која што му одговара Салах би можел да го напушти „Енфилд“. Сепак, тоа ќе се случи летото 2023 гоидина кога ќе му истече договорот, бидејќи веќе потврди дека во наредната сезона ќе игра во Ливерпул.

Доколку се договорат, Салах би го продолжил договорот со „црвените“ на уште четири години, што би значело дека најверојатно ќе ја заврши кариерата на „Енфилд“.

За Салах веќе има интерес од некои клубови од Премиер лигата, но и од Шпанија, сепак за повеќе за судбината на Мохамед Салах ќе треба да се почека јунската средба со челниците на Ливерпул.

A look at potential ins/outs at #LFC this summer, includes some details on Mohamed Salah's contract situation.
Unless he receives a significantly improved offer he intends to leave on a free transfer in 2023 and would look to stay in the PL. https://t.co/PfwCXjaHzr

— James Pearce (@JamesPearceLFC) June 1, 2022