Што изјави Азар за Меси пред неколку години?

Белгискиот репрезентативец Еден Азар вчера и официјално стана нов фудбалер на Реал Мадрид.

Азар со „кралевите“ потпиша договор на пет години, а вчера клубовите конечно објавија дека се е договорено и дека Белгиецот е нивни играч.

Но, интересно е дека медиумите поврзани со Реал Мадрид потестија на една изјава на Аар за Лионел Меси и таа баш и не им се допаѓа.

„Марка“ објави изјава на Азар во која зборува дека Меси е најдобар играч на сите времиња и дека тој нема никаква конкуренција за тоа поле.

„Велите дека постојат двајца играчи кои се најдобри на сите времиња? Нема шанси! Само еден е најдобар на сите времиња: Тој е Лионел Меси“, изјави своевремено Азар.

На навивачите сигурно нема да им се допадне, но ако Азар сумата вложено во него ја оправда со игрите на теренот тогаш веројатно сите ќе заборават што зборувал за Меси.