Што е со слободните удари на Барди во Ла Лига?

Шпанците го запознаа Енис Барди како мајстор за слободни удари, меѓутоа во последно време Барди како да ја нема магијата во нозете во Ла Лига.

Леванте го доведе Барди од Ујпешт за сума од 1.5 милион евра , а тој на самиот старт блесна најмногу се истакна со маестралниот удар и одлично изведените слободни удари. Во својата прва сезона Барди имаше пет постигнати гола од слободни удари, Меси беше пред него со еден повеќе. Против Атлетик Билбао постигна и два во период од 124 секунди.

Но, таа магија на Барди како да исчезна. Веќе 13 месеци Барди е без гол од слободен удар.

„Од кога Барди дојде во Шпанија до лани до октомври постигна шест гола од 22 слободни удари. Од октомври до денес изминаа 13 месеци, а Барди го нема. Изведе 20 слободни удари и не постигна ниту еден гол. За разлика од Барди, Меси во последно време маестрално ги изведува прекините“, пишуваат медиумите во Шпанија.

Инаку, вчера Леванте запиша тежок пораз од Гетафе (0:4).