Штета: Шкупи во пет минути прокоцка два гола предност во Ерменија (ВИДЕО)

Тимот на Шкупи денес ги започна квалификациите за Лигата на Европа.

Шкупи играше против Пјуник на гостински терен и не беше фаворит, но на крајот беше блиску до победа.

Пјуник до водство стигна уште во четвртата минута, но Шкупи преку Бајрами во 26-та и Илиески во 43-тата минута направи пресврт и поведе од 1:2, тоа беше и резултатот со кој се заврши првото полувреме.

На истекот на точно еден час Бајрами го постигна вториот гол и зголеми на 1:3 за одлична предност на македонскиот тим.

Домаќинот на 2:3 намали во 80-тата минута, а само пет минути подоцна стигнаа до изедначување.

Шкупи може да жали што прокоцка одлична предност пред реваншот во Скопје, но и ова реми оди во прилог на македонскиот претставник.