Шпанските медиуми ја нападнаа Барселона: Што играте вие!?

Барселона вчера во рамките од 12-тото коло во Ла Лига изгуби на гости од Леванте со 3:1 и така пропушти прилика да се одвои од главите ривали за првото место.

Тимот на Валверде поведе со голот на Меси од пенал во 38-та минута, а потоа во период од 66-тата до 68-та Барселона прими три гола и го изгуби натпреварот. За среќа на Барселона не победи и Реал, но тоа ќе им биде слаба утеха на навивачите. Барселона оваа сезона победи само на два од шест натпревари на гости.

Шпанските медиуми посебно оние кои повеќе го следат клубот од „Камп Ноу“ испраќаа големи критики на сметка на Каталонците, а најдалеку отиде „Спорт“ кој на насловната страна ги стави играчите на Барселона со наслов: Што играте вие?

„Барселона има сериозни проблеми. Од 11 лигашки натпревари изгуби три, постигна само 14 голови. Тоа се бројки за кои нема никакво оправдување. Никој не разбира како е можно тимот кој изгледаше дека е во вистинска форма волку да падне. Да, Барселона е прва во Ла Лига и во групата од Лигата на шампионите, но тоа нема да потрае ако играте не се подобри“.

„Играчите на Барселона како да мислат дека титулата ќе се освои сама по себе. Зошто не тргнат да бараа втор гол кога ќе поведат на гостувањата како што тоа го прават на „Ноу Камп“? Зотшо почнуваат да играат досадно откако ќе постигна гол? За да освојуваш титули дома и во Европа потребно е да имаш карактер, душа и глад за победа во спротивно сезоната ќе отиде во неповрат“, стои во текстот на „Спорт“.