Шпанија со Олмо и со тинејџерската сензација на Барса ќе ја напаѓа Македонија

Дани Олмо денес доби повик во репрезентацијата на Шпанија до 21 година која заедно со него и и со тинејџерската сензација од Барселона, Ансу Фати ќе ја напаѓаат Македонија.

Селекторот на Шпанија, Луис Де Ла Фуенте денес го објави списокот за натпреварот со Македонија во рамките од квалификациите за Европското првенство во 2021 година.

Шпанија со своите ѕвезди секако е фаворит, но ние ќе одиме таму да се надигруваме и ќе се обидеме да ја изненадиме „Црвената Фурија“ која ова лето во Италија стана шампион во младинска категорија.

Последен пат со Шпанија игравме на Европското првенство во 2017 година и тогаш изгубивме со 0:5.