Шпанија и Холандија во финалето на женскиот Мундијал

Во големото финале на женскиот ракометен Мундијал за златото ќе се борат Холандија и Шпанија.

Шпанија го направи најголемиот успех во својата ракометна историја во женска конкуренција откако се пласираше во финалето на Светското првенство, а до него дојде откако неочекувано убедливо ја совлада фаворизираната селекција на Норвешка со 28:22.

Шпанија во финалето ќе игра против Холандија која во многу понеизвесен меч славеше над Русија со 33:32. И во овој меч Русинките беа фаворити, но Холанѓанките се радуваат на второ финале на Светските првенства во последните четири години.