Шпанецот откри дека Зидан не го сака Јовиќ па сега се извинува

Често пати фудбалерите кога ќе погрешат со некоја изјава се „вадат“ со тоа дека зборовите се извлечени од контекс.

Борха Мајорал предизвика многу коментари на презентацијата во дресот на Рома зборуваше за ситуацијата во Реал.

„Зидан сакаше да останам, јас сакав да заминам и порано затоа што сакав да имам клуб во кој ќе играм“, изјави Мајорла, но она со што привлече внимание е делот во кој зборуваше за Лука Јовиќ.

„Мислам дека клубот го слушаше Зидан кој сакаше Јовиќ да замине“.

Еден ден подоцна Мајорал излезе со извинување.

„Не бев добро сфатен, не сум разговарал со Зидан за Јовиќ. Јовиќ беше мој соиграч, за него мислам се најдобро, ако треба да се извинам еве го правам тоа“, се поправи Шпанецот.

Мајорал во Рома е на позајмица, а клубот од Рим за него ќе плати два милиони евра, ако Рома сака да го откупи ќе треба на Реал да му исплати 35 милиони евра во две рати.