Шкупи доби силен спонзор од Кипар!

Во новата сезона екипата на Шкупи ќе влезе со нов генерален спонзор.

Компанијата „Паша Груп“ влегува во клубот од Чаир, а на прес-конференцијата денеска се обрати и претседателот Олгун Ајдин.

„Ако во земјава овозможиме да има правда, праведност и доверба во спортот, многу поголем би бил и бројот на спонзорства кои ние како клубови би ги привлекувале. Ова се значајни чекори за развивање на спортот во Македонија. Довербата за која зборувам ќе ни ја пружи „Паша Груп“ како најголем спонзор кој влегува во земјава и нашиот клуб. Ова спонзорство е голем чекор напред за нас и мак-фудбалот“, изјави Олугн.

„Паша Груп“ е компанија која поседува низа на елитни хотели, а веќе е спонзор на клубови како Фенербахче, Бешикштак, Гезтепе, Трабзонспор…