Шахтјор ја шокира Барселона, Борусија уште еднаш го надигра Њукасл🎥

Шахтјор Доњецк и го нанесе првиот пораз на Барселона оваа сезона во Лигата на шампионите, Борусија Дортмунд уште еднаш го победи Њукасл.

На дуелот во Хамбург, Шахтјор славеше со 1-0, со голот на Данило Сикан во 40-та минута од натпреварот.

Сепак Барселона и понатаму е во одлична позиција на лидерската позиција со девет бода.

Резултатот во Дортмунд беше отворен по 26 минуи игра кога Фулкруг по асистенцијата од Сабицер ја затресе мрежата, па домаќините со предност заминаа на полувреме.

Во вториот дел Њукасл нападна, создаде неколку шанси, но не успеа да реализира. Казата стигна со голот на Брант, кој реализираше после еден контранапад за конечни 2:0.