ШАМАР ЗА РЕАЛ: Ги одби „Кралевите“ за да остане во тимот кој се наоѓа на средината на табелата

Голманот на Атлетик Билбао, 23-годишниот Кепа Аризабалага, стави крај на сагата околу својот потенцијалтен трансфер во Реал Мадрид, потпишувајќи нов договор со баскискиот клуб.

Верноста со клубот од Баскија ја продолжи на големи 7 и пол години, а договорот содржи и откупна клаузула во износ од 80 милиони евра.

Кепа е убеден дека не згрешил со својата одлука:

„Многу сум среќен што ќе продолжам да играм овде, каде што е мојот дом. Овде сум веќе 15 години, се приклучив во Атлетико кога имав девет години“, изјави голманот, а кратко зборуваше и за потенцијалната понуда од Реал Мадрид:

„Оние кои ми се блиски и кои ме познаваат подобро знаат дека сум тип кој сака се да види пред да донесе одлука. Имаше неколку понуди, но одлучив дека најдоброто за мене е да останам во Атлетико на долго време“.