Претседателот на УЕФА, Александер Чеферин смета дека форматот на еден меч од четвртфиналето на Лигата на шампиони донел многу возбудлува и е полн погодок.
Поради памденијата со Ковид сезоната беше прекината, па УЕФА донесе одлука ЛШ да се доигра не неутрален терен во систем „фајнл-ејт“.
Чеферин најави дека овој систем донел поголеми возбудлувања, па се размислува да се применува и во иднина.
„Бевме приморани да го направиме тоа, но на крајот пронајдовме нешто ново. Затоа, сигурно ќе размислиме добро за иднината на турнирот. Кога има еден меч, нема време за тактика и одолговлекување. Ако еден тим даде гол, другиот мора веднаш да одговори бидејќи нема следен меч. Многу повозбудлив фудбал, но исто така мораме да сметаме на тоа дека има помалку мечеви и ТВ-куќите ќе сакаат повеќе мечеви“, вели Чеферин.
Сегашниот формат на Лигата на шампиони е договорен до сезоната 2024/25, но се очекува до крајот на годината да се завршат преговорите со големите клубови и со федерациите за следната фаза.
Учество во игри на среќа е дозволено за лица со 18+ години. Играј одговорно!