Челзи прави „бум“: Спреми 80 милиони за Хаверц

Челзи ова лето сака значително да го засили тимот и ќе биде многу активен на трансфер пазарот.

Денес „сините“ го официјализираа трансферот на Тимо Вернер од Лајпциг за 52 милиони фунти, но не мислат тука да застанат.

Англиките медиуми тврдат дека Челзи ќе се обиде да донесе уште една ѕвезда од Бундеслигата, а станува збор за Каи Хаверц од Баер Левекузен.

20-годишниот талент е продукт на школата на Баер Леверкузен и веќе две сезони блеска во Бундеслигата. „Фармацевтите“ сигурно нема лесно да се откажат од него, а неговата цена секојдневно расте. 

Хаверц во моментов се проценува на 85 милиони евра, а Челзи е спремен да ја плати таа сума и да ја победи конкуренцијата.

„Сините“ веќе стапиле во контакт со неговиот агент и во наредните денови ќе испратат понуда од 80 милиони фунти за потписот на Хаверц.