Челзи – Кога ќе вложите 875.000.000 и ќе бидете уште полоши

Акумулирањето квалитетни играчи никогаш не се исплатело, дури ни во време кога инфлацијата не влијаеше толку на фудбалот и каде што секој просечен премиерлигаш вредеше 50 милиони евра.

Во Челзи изгледа не го знаат тоа и се обидуваат да изградат тим кој ќе освојува трофеи, но имаа големи неуспеси и нема тренер кој може да вклопи куп нови играчи во секој преоден рок во добар тим кој ќе се бори за титулата.

Процесот е поинаков, подолг, инстант успех со пари во Премиер лигата одамна е невозможен, а за тоа говорат и 875-те милиони евра кои Челзи ги потроши на нови засилувања во последната година.

Посебно е интересно, како што пишува „Мирор“, кога ниту еден навивач во анкетата не можел да ги наведе сите засилувања на Челзи во еден преоден рок.

Моментално десеттото место на Челзи е послаб пласман од пред само една година. Да потсетиме дека на истиот датум пред 365 дена беа осми…

Се чини дека не е се во парите, останува на играчите и стручниот штаб на Челзи да го докажат спротивното до крајот на сезоната, за да не гледаме нови „инвестиции“ на Челзи на лето.