Челзи и Куртоа се договорија: Белгиецот станува најплатен голман во светот

Тибо Куртоа и Челзи конечно постигнаа договор за продолжување на соработката, пренесуваат англиските медиуми.

Новиот договор на Куртоа беше главна тема во англиските медиуми веќе подолго време, а се шпекулираше дека голманот може да го напушти „Стенфорд Бриџ“ доколку не биде постигнат договор.

Актуелниот договор на Куртоа со Челзи истекува во 2019 година, а сега ќе се обврзи на верност со „сините“ до 2023 година.

Според новиот договор Белгиецот ќе заработува 10,5 милиони фунти годишно и со тоа ќе стане најплатениот голман во светот.

Куртоа пристигна во Челзи во 2011 година од Атлетико Мадрид и се етаблираше како еден од најдобрите голмани во Премиер лигата.