Црвена Звезда потврди: Пет фудбалери позитивни на корона

Српскиот шампион Црвена Звезда денес потврди дека пет фудбалери се позитивни на корона вирус.

Црвена Звезда соопшти дека позитивни на коронавирус се Марко Гобељиќ, Његош Петровиќ, Душан Јованчиќ, Марко Конатар и Бранко Јовичиќ.

Гобељиќ, Јованчиќ, Петровиќ и Конатар ги имале симптомите и пред мечот од последното коло во Суперлигата на Србија против Пролетер, па поради тоа не биле на стадонот.

Јовичиќ, од друга страна, одигра 65 минути во мечот против Пролетер, а потоа присуствувал и на церемонијата за доделување на трофејот.

„Ситуацијата на играчите ја следиме внимателно, а ќе биде направено и ново тестирање пред почетокот на подготовките за новата сезона. Играчите кои не беа во можност да го подигнат пехарот за шампион на Србија… Клубот уште еднаш им честита и им посакува брзо заздравување. Црвена Звезда ги презема сите мерки на претпазливост и заштита“, сооптија од клубот.

Во Србија скоро цел месец се игра фудбал со публика на требините, а мечот Партизан – Црвена Звезда испадна како „биолошка бомба“ бидејќи многу луѓе се заразиле со КОВИД 19.