Легендарниот Мајк Тајсон би можеле повторно да го гледаме во рингот.
Зошто проблемот со улични кучиња СÈ УШТЕ постои? | Уште еден поткаст
Тајсон кој наскоро ќе наполни 54 години најави дека започнал да тренира и би можел да се врати во рингот и да одработи борби во добротворни цели.
„Сакам да влезам во форма за да можам да боксувам три или четири рунди за добротворни цели и слични работи. Веќе чувствувам дека сум во добра форма. Сакам да одработам хуманитарни борби за да соберам пари со кој би им помогнал на бездомниците и зависниците каков што бев и јас“, изјави Тајсон.
Тајсон важи за еден од најголемите боксери и најголем ударач на сите времиња. Во 1986 година стана најмладиот шампион во светот во историјата. Кариерата контроверзно ја заврши во 2005 година.
Вкупно одработи 58 борби, на 50 од нив победи, шест пати изгуби, а на две завршија без победник.
Учество во игри на среќа е дозволено за лица со 18+ години. Играј одговорно!