Холандија рано поведе, па стравуваше и за бод против Еквадор!

Во третиот натпревар од денешната програма Холандија и Еквадор ремизираа 1:1.

Ова беше натпревар на двете екипи кои забележаа победи во првото коло, па сега и двете репрезентации имаат по четири бода. Одлично започна натпреварот за Холандија кога младата ѕвезда Коди Гакпо со прекрасен гол ја затресе мрежата после само пет минути игра. Ова воедно беше и најбрзиот гол на Мундијалот досега.

Во тие моменти изгледаше дека Холандија сигурно ќе чекори кон победата, меѓутоа тоа не се случи. Како што одминуваа минутите Еквадор воспоставуваше рамноправна игра. Во финишот од првиот дел се затресе мрежата на Холанѓаните, но тој гол беше поништен поради офсајд.

Cody Gakpo is showing what he's capable of, his 2nd goal in World Cup. 🔥#FIFAWorldCup pic.twitter.com/l5mlG3MYqb

— United Knights (@UnitedKnights5) November 25, 2022

Сепак, до гол стигнаа после само четири минути игра во вториот дел и повторно стрелец беше Енер Валенсија за кого ова беше трет гол со кој избива на врвот на листата стрелци. До крајот Холандија не се закани сериозно, Еквадор ги имаше подобрите прилики за гол, резултатот не се промени.

GOAL! Enner Valencia

🇳🇱 Netherlands 1-1 #Ecuador#ECU | #FIFAWorldCup
pic.twitter.com/nzW1epyvig

— Fast Footy Goals (@fast_footygoals) November 25, 2022

Во последното коло Холандија ќе игра против аутсајдерот Катар, додека Еквадор ја чека незгодниот Сенегал кој по ова второ коло има само бод помалку на третата позиција.