Хејнкес: Реал не смее да се отпише, ќе го елиминира ПСЖ

Тренерот на Баерн Минхен и некогашен предводник на „кралевите“, Јуп Хејнкес верува дека Реал Мадрид може да го елиминира ПСЖ во Лигата на шампиони.

Реал Мадрид оваа сезона игра катастрофално во Примера, па поради тоа според експертите ПСЖ е фаворит во осминафиналниот дуел од ЛШ.

„Тоа што Реал игра послабо во лигата е сосема нормално, му заминаа неколку важни фудбалери како Мората и Хамес, а притоа не донесоа некое големо засилување. Меѓутоа, Реал никогаш не смеете да го отпишувате во Лигата на шампиони. Имаат поголемо искуство отколку ПСЖ и верувам дека ќе поминат во следната фаза. Јас кога бев тренер на Реал бевме на четврто место во лигата, а ја освоивме ЛШ“, изјави Хејнкес.

Хејнкес ја освои Лигата на шампиони со Реал Мадрид во 1998 година, а потоа истиот успех го повтори и со Баерн Минхен во 2013 година.