Дербијата во Грција, без разлика дали е фудбал или кошарка, одамна станаа борба за живот и смрт!
Така беше и во неделата вечерта на „Тумба“, каде по пресврт, ПАОК го совлада АЕК со 3:2 во 34. коло од плеј-офот и остана во шампионската трка, но бурното дерби остана во сенка на невидениот инцидент што се случи после натпреварот.
Кој ќе биде новиот шампион, Сити или Арсенал? ↓↓↓
Тимот од Солун до крајот на натпреварот губеше со 2:1, кога со головите на Јанис Константелиас во 81. и на Џоан Сестра во 90. минута остварија пресврт и три важни бодови во борбата за титулата.
Натпреварот беше како „буре барут“ од првиот до последниот судиски свиреж. Голема тепачка имаше на теренот, но и на трибините каде навивачите во неколку наврати го прекинуваа натпреварот. Во средината на второто полувреме мораше да реагира и полицијата и покрај аут линијата ги разделуваше двете клупи.
Сè ескалира по последниот судиски свиреж, кога тренерот на АЕК, Матиас Алмеида буквално го загуби разумот. Аргентинскиот стручњак влета на теренот и почна физички да ги напаѓа членовите на ПАОК.