Хандановиќ го изедначи рекордот на легендарниот голман на Интер

Интер синоќа загуби од Барса на „Камп Ноу“ со 2:0 во третото коло од групната фаза во Лигата на Шампионите.

Тоа не изгледаше толку лошо, Италијанците имаа неколку опасни ситуации пред голот на Тер Штеген, но и многу среќа пред својот гол. Самир Хандановиќ блескаше и покажа дека се уште е меѓу најдобрите голмани во светот, без оглед на двата примени гола.

Во прилог оди и рекордот кој го постигна – Словенецот синоќа забележи дури девет интервенции. Така дојде рамо до рамо со уште еден поранешен голман на Интер, Франческо Толдо кој во 2003. година имаше исто толку одбрани во натпревар против Арсенал.

Кој знае што ќе се случеше во Барселона да не беше Хандановиќ…