Халанд со еден потег ја откри новата дестинација

Норвешкиот голгетер Ерлинг Халанд на лето најверојатно ќе ја напушти Борусија Дортмунд.

Новата ѕвезда на европскиот фудбал е на радарот на многу европски гиганти, но се чини дека Халанд веќе ја избрал следната дестинација.

Норвежанецот веќе купил куќа во Шпанија, а медиумите тврдат дека веќе се договорил со Реал Мадрид.

Добрите односи помеѓу Реал Мадрид и Дортмуд ну одат во корист на Халанд и се очекува двата клуба лесно да најдат заеднички јазик за трансферот.

Според пишувањата на германските медиуми големи се шансите како дел од трансферот на Халанд Реал да го испрати Лука Јовиќ во Борусија Дортмунд.

20-годишниот голгетер оваа сезона на 31 меч за „милионерите“ постигна неверојатни 33 гола.