Местењето натпревари и корупцијата во сите спортови и натаму представува голем проблем, а различни здруженија и организации константно се борат против ваквите појави. Ниту најдобрите светски лиги и клубови не се имуни на корупцијата, па и во Шпанија е покрената постапка против голем број фудбалери и претседатели на клубови.
Имено, шпанските власти покренаа постапка во врска со сомнителниот натпревар помеѓу Сарагоса и Леванте која е одиграна во мај 2011. година.
Дерби на Манчестер: Да се види кој е полош!? ↓↓↓
Сарагоса тогаш се бореше да не испадне, а на крајот го совлада Леванте со 2:1. Наводно, финансиски средства се давани на фудбалерите на Леванте, но и на играчите на Сарагоса.
Вкупно 33 фудбалери ќе се најдат пред суд да дадат исказ за случувањата пред, за време на одигрување и после натпреварот, а меѓу нив е и Андер Ерера.
Според судските списи од 2014 година наводно во мај 2011. година се уплатени вкупно 848.450 фунти на тогашниот тренер на Сарагоса Хавиер Агуире, на спортскиот директор на клубот и девет играчи.
Околу целата ситуација се огласи и самиот Андер Ерера, кој истакнува дека е невин.
„Како што реков во 2014. година кога се појави прашањето за спорниот натпревар, никогаш не сум ниту ќе учествувам во било каква манипулација кога се во прашање резултатите на натпреварите. Доколку бидам повикан да сведочам на суд тоа ќе го сторам. Совеста ми е чиста. Го сакам фудбалот и верувам во фер плејот, како на теренот така и надвор од него.“ – порача фудбалерот на Јунајтед.
Инаку, Андер Ерера кариерата ја започна во младинските категории на Сарагоса, а за првиот тим на овој клуб настапуваше од 2009. до 2011. година.
Учество во игри на среќа е дозволено за лица со 18+ години. Играј одговорно!