Младата репрезентација на Македонија до 19 години денеска го започнува походот за пласман на Европско првенство кое следната година ќе се одржи од 15 до 25 јули во Северна Ирска.
Нашите млади фудбалери во првото коло од групата 7 во рамките на мини квалификацискиот турнир, на домашен терен ќе се соочат со силната селекција на Украина.
Салах руши рекорди! Викендов две големи дербија во Премиер Лига! ↓↓↓
Избраниците на селекторот Тони Јакимовски вчера го одработија официјалниот тренинг пред денешниот натпревар со Украина.
„Мислам дека можеме да го повториме успехот, подготвени сме да одговориме на предизвикот. Се соочуваме со проблеми околу повредени фудбалери. Нема да можеме да сметаме ниту на Елмас за овој турнир. Што се однесува до Даниел Марковски, тој е под знак прашање. Ќе се обидеме да направиме се што е во наша моќ за да го оспособиме за утрешниот натпревар.
Имаме одлична атмосфера во репрезентацијата, нешто што не красеше и на квалификацискиот турнир во Полска. Желбата и мотивацијата кај фудбалерите се на едно највисоко ниво. Иако групата на прв поглед е неатрактивна, меѓутоа е многу силна. Се надевам дека ќе одиграме тимски и ќе дадеме се од себе. Верувам во успех“, изјави Јакимовски.
Натпреварот против Украина го играме со почеток од 14:00 часот на тренинг-центарот „Петар Милошевски“.
Учество во игри на среќа е дозволено за лица со 18+ години. Играј одговорно!