ФОТО: Муриел славеше, но погледот на Меси наговести што ги чека

Фудбалерите на Барселона синоќа ремизираа на гостувањето против Севиља (2:2) во дербито од 30. коло на шпанската Ла Лига.

Каталонскиот клуб беше пред првиот пораз во сезоната во Ла Лига, но Барса на крилата на Меси успеа да дојде до израмнување на резултатот пет минути пред крајот на напреварот. Во 86. минута, Севиља водеше со 2:0, а само две минути подоцна на семафорот беше 2:2.

Првиот гол за Барселона го постигна Луис Суарез, додека само минута подоцна со одличен гол на 2:2 израмни Меси. Аргентинецот беше на клупата на овој натпревар, но Валверде беше принуден да го стави во игра во второто полувреме.

Севиља можеше да постигне барем пет гола против Барса, но неколку одлични прилики промаши Муриел. Навивачите на Барса веруваат дека токму Муриел е „виновен“ зошто Барса се врати, бидејќи не смееше да слави гол пред Меси кој дополнително го мотивираше.