ФИФА започна постапка против Мексико

Meѓународната фудбалска федерација (ФИФА) започна дисциплинска постапка против Фудбалскиот сојуз на Мексико.

ФС Мексико е на тапет поради однесувањето на навивачите, поточно хомофобичните пароли во текот на натпреварот од Ф групата против Германија во Москва.

Имено, во 24 минута од натпреварот, навивачите на „сомбрероси“ започнаа да пеат навредлива песна кога голманот на Германците, Мануел Ноер се припремаше да изведе гол-аут.

Да потсетиме, Мексико ја совлада Германија со 1:0 со погодокот на Ирвинг Лозано во 35 минута.