Фирмино: Очите ми беа полни солзи кога излегував на теренот

Во првиот натпревар од ¼ финалето во Лигата на шампионите екипата на Ливерпул славеше голема победа во пресрет на реваншот во вторник.

Пред натпреварот атмосферата на „Енфилд“ беше фантастична, а за тоа зборува и изјавата на напаѓачот на „црвените“, Роберто Фирмино.

“Бевме информирани дека не очекува спектакуларна атмосфера, морам да признаам дека и така беше. Кога излегував на теренот очите ми беа полни со солзи. Таквата атмосфера и нашите навивачи ни дадоа сила да одиграме фантастично и да славиме“, изјави Фирмино.

Реванш натпреварот од двата англиски гиганти во ¼ финалето е закажан за вторник на „Итихад“ и поголем дел од фудбалската јавност верува дека оваа победа на Ливерпул ќе биде сосема доволна за да изборат место помеѓу најдобрите четири екипи во Европа.