УЕФА направи промена за мечот помеѓу Тотенхем и Динамо Загреб

УЕФА денес реши да ги промени домаќинствата за мечот помеѓу Тотенхем и Динамо Загреб во 1/8 финалето од Лига Европа.

Според првичниот план првиот меч требаше да се игра во Загреб, но сега дојде до промена, па мечот на 11-ти март ќе се игра во Лондон, а Динамо ќе биде домаќин во реваншот на 18 март.

Причината за тоа е што УЕФА не сака два тима од ист град да бидат домаќини во ист ден. Арсенал ќе го пречека Олимпијакос на 18-ти март на „Емирати“, па поради тоа беше преместен натпреварот на Тотенхем.