Тухел: По лесно е да го тренираш Лукаку, отколку Мбапе и Нејмар

Менаџерот на Челзи, Томас Тухел зборуваше за разликата на работата во Лондон и во ПСЖ.

Германецот призна дека во ПСЖ морал повеќе да се занимава со семејствата и пријателите на големите ѕвезди на тимот, отколку со тренерска работа.

„Челзи и ПСЖ се сосема различни клубови во однос на стил и организација. Во Париз бев повеќе министер за спорт, се занимавав со семејствата и пријателите на ѕвездите. Полесно е да се тренира Лукаку, отколку Мбапе и Нејмар“, јасен беше Тухел.

48-годишниот Германец седна на кормилото на Челзи во јануари оваа година, само еден месец после отказот во ПСЖ и ги однесе „сините“ до врвот на Европа.