Желбата на нигерискиот репрезентативец е да игра во Англија, а се поизвесно е дека наскоро ќе се оствари.
Осимен беше најдобар стрелец во Серија А и го предводеше Наполи до првата титула во Италија по повеќе од три децении чекање, а сега е подготвен да направи уште еден голем чекор во кариерата.
ЕУРО 2024: Кој јунак ќе ја сопре Франција!? ↓↓↓
Поранешниот напаѓач на Лил стана мета на европските гиганти од најсилните лиги, а наводно сега има битка меѓу три екипи од англиската Премиер лига.
Манчестер Јунајтед, Челзи и Ливерпул се тимовите кои почнаа да се борат за неговиот потпис и се верува дека во еден од нив ќе заврши Осимхен.
Во шампионската сезона на Наполи блесна со 31 гол на 39 натпревари. Затоа и тој беше мета на Баерн, но се чини дека Баварците сега целото внимание го насочија кон Хари Кејн.
Исто така, неодамна беше споменуван како прва опција за ПСЖ доколку Килијан Мбапе ова лето навистина замине во Реал Мадрид. Интересно е што Наполи за својата голема ѕвезда бара дури 150 милиони евра.
Како што е познато, Осимен има начелен договор за продолжување на договорот за уште две сезони, но претседателот на Наполи, Аурелио Де Лаурентис изјави дека би го пуштил да си замине ова лето доколку дојде „голема понуда“.
Италијанскиот стручњак за трансфери Алфредо Педула тврди дека ПСЖ е подготвен да понуди 150 милиони евра, со што би станал главен купувач за одличниот напаѓач, бидејќи англиските тимови не сакаат да одат над 100 милиони. Секако, желбата на играчот да ја продолжи кариерата во Премиер лигата секако е во нивна полза.
Осимен пред Наполи играше за Лил, Шарлроа и Волфсбург и дефинитивно покажа дека е еден од најдобрите напаѓачи во Европа во моментов.
Учество во игри на среќа е дозволено за лица со 18+ години. Играј одговорно!