Традицијата вечерва не е на страната на Реал Мадрид

Вечерва во Лигата на шампионите не чекаат нови возбудувања, иако е интересен и натпреварот Арсенал – Баерн Минхен, сепак поголемо внимание привлекува битката помеѓу Манчестер Сити и Реал Мадрид.

Реал Мадрид во првиот натпревар во Шпанија на свој терен двапати „бркаше“ негатива и успеваше да израмни, а на крајот средбата заврши без победник 3:3, па се ќе се решава вечерва на „Итихад“.

Традицијата не е на страната на избраниците на Карло Анчелоти бидејќи тие никогаш не победиле на овој стадион во Манчестер. Ривалството помеѓу двата клуба започнува во 2012 година кога се сретнаа во групната фаза, потоа играа уште четири пати во нокаут фазата и Реал никогаш не го победил Сити на гости.

Во првите две гостувања одиграа реми, но во последните три „кралевите“ се враќаа со порази. Останува да видиме како ќе биде вечерва…