Легендарниот Франческо Тоти потврди дека во недела последен пат ќе го носи дресот на Рома и ќе стави крај на својата играчка кариера.
Тоти има 40 години, а целата своја кариера ја мина во редовите на „волчицата“, па од следната сезона дресот ќе го замени со одело и ќе биде функционер во клубот.
Вака се слави гол во 120-та минута!!! ↓↓↓
„Не постојат зборови со кои би опишал што значат овие бои за мене. Љубовта која ја чувствувам кон клубот никогаш нема да заврши. Тоа е страст, моја страст. Толку е длабока што не можам да престанам да ја хранам. Од понеделник ќе бидам подготвен за нови предизвици“, изјави Тоти.
„Принцот на Рим“ за првиот тим на Рома дебитирал во 1992 година, а за 25 сезони одигра 785 натпревари и постигна 307 голови.
Со Рома еднаш ја освоил Серија А (2001), а има и два трофеи, во Купот и во Суперкупот на Италија.