Тоти: Ме натераа да донесам одлука која никогаш сам не би ја донел

Легендарниот Франческо Тоти пред скоро четири години ја заврши играчката кариера, а потоа доби една од директорските позаиции во Рома.

Тоти целата своја кариера ја помина во дресот на Рома каде што играше цели 24 години, а потоа се пензионираше и одлучи да остане во римскиот клуб. Меѓутоа, Тоти на таа функција не се задржа долго и си замина поради несогласувања со раководството.

„Мислев дека засекогаш ќе останам во Рома. Но, ме натераа на одлука која мислев дека никогаш нема да ја донесам. Направив избор да заминам од Рома, но да останам во светот на фудбалот. Ако седневме да зборуваме можеби немаше да биде вака. Сепак, не им беше гајле за мене. Лут бев што ме исклучија на таков начин, но животот оди понатаму“, изјави Тоти.