Тотенхем спремен да го продаде Кејн, но за рекордна сума

Тотенхем е спремен да го продаде Хари Кејн на лето, но само доколку во клубот пристигна понуда од 150 милиони фунти, пренесуваат медиумите на Островот.

Ако некој ја плати оваа сума, тоа ќе биде рекорден трансфер на Островот и трет најскап трансфер во историјата после Нејмар (222 милиони) и Мбапе (180 милиони) во Пари Сент Жермен.

Тотенхем сака да го задржи својот капитен, но доколку Кејн побара трансфер, тогаш ќе мора да најде клуб кој е спремен да плати 150 милиони фунти.

На лето Манчестер Јунајтед и Манчестер Сити ќе бидат во потрага по централен напаѓач и се заинтересирани за Хари Кејн, но тешко дека ќе се согласат да ја платат бараната сума.