Тотенхем и Интер се „тепаат“ за Мексиканец

Хектор Ерера, Мексиканецот кој импресионираше со своите настапи на Светското првенство би можел да го напушти Порто уште во јануари.

Медиумите тврдат дека Тотенхем и Интер ќе се борат за неговиот потпис, а англискиот клуб во моментов е во пол-позиција.

Договорот на Ерера со Порто истекува на крајот на сезоната, па португалскиот клуб ќе мора да го продаде во јанури, бидејќи на лето ќе може да замине како слободен играч.

Мексиканецот е член на Порто од 2013 година и изјави дека нема намера да го продолжува договорот бидејќи сака нов предизвик во кариерата.

Интер сака да го доведе како слободен играч следното лето, додека Тотенхем е спремен да испрати понуда и да го добие играчот за врска уште во јануари.

Поради тоа медиумите тврдат дека „спарси“ се во пол-позиција за потписот на Мексиканецот.