Тејтум испиша историја, но ѕвезда на вечерта беше Букер со 51 поен

Во изминатата вечер во НБА се играа 13 натпревари од кои има неколку моменти за издвојување.

Бостон продолжи да победува совладувајќи го Мајами со 134:121. Најефикасен во редовите на победничкиот тим беше Тејтум кој постигна 49 поени. За Бостон ова беше 14. победа во 15 натпревари. Тејтум одигра страшен натпревар со дабл-дабл од 49 поени и 11 скокови. Тој стана првиот играч во историјата на НБА кој на повеќе натпревари имал учинок од 45+ поени, 10+ скоквои и 8+ тројки.

Но, Тејтум не беше најефикасниот на вечерта. Девин Букер постигна 51 поен во триумфот на Феникс над Чикаго од 132:113.

До овие 51 поен Букер стигна за помалку од 31 минута, иако на паркетот беше вкупно 30 минути и 40 секунди. Исто така тој стана само вториот играч на Феникс кој на еден меч постигна 50+ поени, 5+ асистенции и 5+ тројки.

НБА РЕЗУЛТАТИ:

Кливленд – Филаделфија 113:85

Орландо – Атланта 108:125

Бостон – Мајами 134:121

Бруклин – Вашингтон 113:107

Њујорк – Милвоки 103:109

Минесота – Мемфис 109:101

Њу Орлеанс – Торонто 126:108

Оклахома – Сан Антонио 119:111

Денвер – Хјустон 120:100

Феникс – Чикаго 132:113

Јута – ЛА Клиперс 125:112

Сакраменто – Индијана 137:114

ЛА Лејкерс – Портланд 128:109