Таткото на ѕвездата на Реал сподели шокантна приказна: Немав храна кога тој беше гладен

Младиот Бразилец Ендрик (18) беше претставен како нов играч на Реал Мадрид. Станува збор за исклучително талентиран играч кој се согласи да работи со мадридскиот клуб во 2022 година, но им се приклучи дури кога стана полнолетен.

Дотогаш настапуваше за Палмеирас за кој успеа да забележи 82 настапи, 21 гол и четири асистенции, а веќе има десет настапи и три гола за сениорската репрезентација на Бразил.

Ендрик беше пречекан од 43.000 навивачи на стадионот „Сантијаго Бернабеу“. “Не знам како да го опишам она што го чувствувам. Отсекогаш сум сакал да дојдам овде и да играм за Реал. Го исполнив мојот сон, не само мојот туку и на моето семејство. Ова е за нив”, изјави Ендрик, кој дојде.на церемонијата придружуван од неговите родители и беше видно емотивен.

Трогателна приказна од неговото детство сподели неговиот татко Даглас Соуса: „Се уште се сеќавам на еден ден кога Ендрик беше дете… Ме побара нешто за јадење и ми рече: „Тато, многу сум гладен“. Седнав на каучот, а потоа погледнав во кујнските кабинети и фрижидерот… И немав што да му дадам: „Ендрик, синко, немаме ништо“. Не грижете се, јас ќе станам фудбалер и ќе ве извлечам од овие проблеми“.