Арсенал викендов не го победи Брентфорд и Манчестер Сити се доближи на само три бода со натпревар повеќе од „топџиите“. Во среда ги очекува и меѓусебниот дуел кој може многу да одлучи.
„Топџиите“ ќе бидат домаќини, а Манчестер Сити со победа би го преземал лидерското место, но Арсенал ќе има шанса да се врати како лидер затоа што како што споменавме имаат натпревари помалку. Евентуална победа на Арсенал ќе донесе одлична предност за тимот на Артета.
Меѓутоа во ваквиот период од сезоната секогаш се појавуваат суперкомпјутери кои прогнозираат како ќе заврши првенството. Последната симулација направена на Островот покажала дека шампион ќе биде Манчестер Сити.
Според оваа пресметка, Сити ќе стигне до својот петти шампионски трофеј во последните шест сезони, а Арсенал ќе заврши како второпласиран. Покрај „топџиите“ место во Лигата на шампионите би обезбедиле Манчестер Јунајтед и Њукасл.
Суперкомпјутерот носи лоши вести за Евертон кој би се преселил во Чемпионшип заедно со Бормут и Саутемптон. За Ливерпул прогнозата е дека ќе заврши како шести, а Челзи кој потроши над 300 милиони евра во зимскиот преоден рок е осмопласиран.
Учество во игри на среќа е дозволено за лица со 18+ години. Играј одговорно!